مثل ميت عشت عايزني بس تابوت ومتاني شريف يصيح خنشيعه/لو تدري بغيابك منو وياي الحزن جمع اخوانه ويمي كعدو/صرت ميت وريد اتلاكه وياك شوكت ربك يدك بوق القيامه/عند الله شمسوين هيج ابتلينه يخلق بهل الحلوين ويذب علينه/احس كللش بطيئ الليل بجفاك مثل خطوات جاهل توه يمشي/شكثر تانيت اشوفك والله مليت عفت عيني اعله بابك وانه رايح/اذا كل جرح محبس بيه ضميت ياصفحه التطكهه اتصيحلك بات/ثواب العشرتك كمت اطبخ اجروح خلي يودي جدره الما شبع ضيم/اذا كلمه المشتاك تجرح للشعور جا كلمه الأهواك شتسميهه/اخاف ابالك ارجع من يذكروك جويت اذني بعد ميهزهه طاريك/جرحي بغيبتك خظر درابين وسجاجينك جهال وتمشي حفاي/ناقص شو عليه الوادم تكول ماتنلام حقهم وانته ناقصني/اذا اروحن لاتضن يعني نسيت انته تدري اني بيه شكد وفه/تذكر من رسمت الضحكه عالشفتين انطيتك فرح تنطيني بس حسره/صرت شايب يعيد بقصته ليل نهار وسولفها اعله ولده ومالهم خلكه/خبره سنين عندي من الجروح اشكال من كد الطعن صرت انه ذواق/مشيت بصبح شايل ضلمه الليل اضن مات الضوه بلحضات الوداع/قرار جفاك غير شغله العين مو للنوم صارت للبواجي/عفتني وبهذلك الرحت وياه مو كتلك فقير وبيك اشور/اضل ارجف شعر لو شفت وجهك يوم وتذبحني بخزرتك وانسه عنواني/هاي سنيني بيدك موش طاست ماي كل ماديرلك ضهري تبديهه/انتهى دور البنادق والسجاجين اجه دور الفراك اليكتل الناس/اتريد الداري ارجع وانته ماموجود اشلون تريد ارجع وانته كل داري/نمت بغيبتك يم المخابيل وجديت الصبح يم الأشاره/درس حبك صعب اسنين راسب بي لأن اني ابمحبتك ابد ماغشيت/اذا انته بجمالك تفطر الكاع اني بغروري حلكك اشكه/دخيلك ربي خلي يطول الصيف فقير اليدعي واضح من دعاته/
